Elorda áýejaıynyń jumysy qaıta jandandy
Aıta keteıik, osyǵan deıin elorda áýejaıynan barlyq reıs ýaqytsha toqtatylyp, áýejaı eki saǵatqa jabylǵany habarlandy. Tótenshe jaǵdaıǵa qatysty qala áýejaıynyń baspasóz qyzmeti túsinikteme berdi.
«Jergilikti ýaqyt saǵat 16:00-de Swissair áýe kompanııasynyń Tokıodan Tsıýrıhke 777-300ER (rotanyń borttyq nómiri HBJNI) ushqan SVR161 reısi Astana áýejaıyna shuǵyl qondy. Ekıpaj 50 jastaǵy jolaýshynyń ınsýlt alý múmkindigine baılanysty qonýǵa sheshim qabyldaǵan. Saǵat 16:00-de ushaq sátti qonǵannan keıin, ushý-qoný jolyndaǵy burylys kezinde ekıpaj qateliginen ushaq jolaqtan syrǵyp ketti. Osyǵan baılanysty saǵat 16:03-te apattyq-qutqarý jumystaryn júrgizý úshin eskertý jarııalandy», - dep jazdy baspasóz qyzmeti.
Osy oqıǵaǵa baılanysty áýe reısteriniń keshigýi múmkin ekeni de eskertildi.
Qazirgi ýaqytta Astana halyqaralyq áýejaıynda ushyp shyǵýǵa josparlanǵan 81 reıstiń 6-y, ushyp kelýge josparlanǵan 80 reıstiń 15-i keshiktirildi.
Ushýǵa:
KS954 Astana - Almaty
KS7508 Astana - Shymkent
KS7334 Astana - Almaty
DV734 Astana - Almaty
KC992 Astana - Almaty
KC7094 Astana - Almaty
Ushyp kelýge:
KC953 Almaty - Astana
KC7352 Semeı - Astana
KC346 Óskemen - Astana
IQ400 Aqtóbe - Astana
KC206 Dýbaı - Astana
DV5351 Kamran - Astana
KC7091 Almaty - Astana
KC7507 Shymkent - Astana
KC7333 Almaty - Astana
KC995 Almaty - Astana
DV733 Almaty - Astana
KC7063 Almaty - Astana
IQ512 Novosıbırsk - Astana
KC7364 Túrkistan - Astana
KC7326 Shymkent - Astana
Jolaýshylar reısterdiń jaı-kúıi jáne kestedegi yqtımal ózgerister týraly aqparatty avıakompanııadan, sondaı-aq Astana halyqaralyq áýejaıynyń www.nn-airport.kz resmı saıtynan nemese táýlik boıy jumys isteıtin baılanys ortalyǵynyń telefony 8 (7172) 702-999 arqyly ala alady.