Saǵadıev Atyraý ustazdarymen kezdesedi
«Sáýirdiń 11-i kúni QR Bilim jáne ǵylym mınıstri Erlan Saǵadıev Atyraý oblysynda ustazdar qaýymymen kezdesýge qatysady dep josparlanýda. Dál osy kúni densaýlyq saqtaý vıtse-mınıstri Alekseı Tsoı bastaǵan mindetti áleýmettik medıtsınalyq saqtandyrýdy engizý jónindegi aqparattyq-nasıxattaý toby Aqmola oblysyna jumys saparymen barady degen jospar bar», - dedi Ortalyq kommýnıkatsııalar qyzmetiniń resmı ókili Murat Jumanbaı búgingi brıfıngte.
Al sáýirdiń 12-si kúni QR Energetıka mınıstri Qanat Bozymbaevtyń Ońtústik Qazaqstan oblysyna jumys sapary josparlanyp otyr. Mınıstr Shymkent munaı óńdeý zaýytyn qaıta qurý jáne jańǵyrtý jumystarymen tanysyp, oblystyń energetıka nysandaryn aralaıdy.
Densaýlyq saqtaý mınıstri Eljan Birtanov bastaǵan mindetti áleýmettik medıtsınalyq saqtandyrýdy engizý jónindegi aqparattyq-nasıxattaý toby Qaraǵandy oblysyna barýy tıis.
Sondaı-aq, Almaty qalasynda QR Investıtsııalar jáne damý mınıstrligi «Jer qoınaýy jáne jer qoınaýyn paıdalaný kodeksi» boıynsha qoǵamdyq tyńdaýlar ótkizedi.