Saǵadat Nurmaǵambetovtiń tarıhı tulǵasy áli tolyq zerttelgen joq – shákirtteri
Іs-sharany uıymdastyrýshylardyń biri, atalǵan ýnıversıtettiń áskerı kafedrasynyń oqytýshysy Ábýbákir Smaıylovtyń aıtýynsha, Saǵadat Nurmaǵambetovtiń kópshilik bile bermeıtin qyry kóp.
«Konferentsııada, odan keıin de batyr tulǵanyń tarıhy tulǵasy jan-jaqty ashylady degen senim mol. Sebebi, áli zerttelmegen dúnıe kóp. Mysaly, onyń balalyq shaǵy taýqymetke toly bolǵan. 19 jasta áskerı ómirge qadam basqannan keıingi taǵdyry – bólek áńgime. Jalpy, ony eli úshin eki ret erlik jasaǵan tulǵa desek bolady. Birinshisi – 19 jasynda maıdanǵa attanyp, 20 jasynda Keńes Odaǵynyń Batyry atansa, ekinshisi – elimiz táýelsizdik alǵan qıyn-qystaý kezeńde shınelin qaıtadan kıip, Qarýly kúshterdiń nyǵaıýyna ólsheýsiz úles qosty. Taǵy bir atap óterligi, ol halyqaralyq deńgeıde áskerı yntymaqtastyqty damytýǵa belsendi atsalysty. Bul baǵytta áskerı ǵalymdar zertteý jumystaryn qolǵa alsa eken degen tilegimiz bar», - deıdi Ábýbákir Smaıylov.
2005 jyly BUU-nyń Bas Assambleıasynyń otyrysynda búkil álemnen jalǵyz ǵana maıdanger sóz sóılegen. Ol Saǵadat Nurmaǵambetov bolatyn.
«Onyń tarıhı sózin BUU-nyń arhıvinen aldyq. Bul iske qolǵabys etken QR Syrtqy ister mınıstrligine, elshilikke alǵysymyzdy bildiremiz. Onyń aıtqan sózderi, usynystary áli kúnge deıin ózegin joǵaltpaǵanyna kóz jetip otyr. Batyr tulǵanyń qazirgi álemdegi geosaıası qaqtyǵystar jaıly aıtqan pikirlerin saraptasaq, onyń kóregendilik qyryn tanı túsemiz», - dedi Á.Smaıylov.
Saǵadat Nurmaǵambetovtiń shákirtteriniń biri, general-leıtenant Abaı Tasbolatov jyly estelikterimen bólisti.
«Saǵadat Nurmaǵambetov ekinshi ákemiz bolatyn. Qarap tursam, patrıottyq sezim, Otandy súıý degen uǵymdar adam qınalǵan sátte bilinetin sııaqty. Sebebi Saǵadat Qojahmetulynyń balalyq shaǵy qıyn sátterge toly boldy. Ákesin kórgen joq. Alty jasynda sheshesinen aıyryldy. Aǵasy Saǵıttyń tárbıesinde bolyp, qan maıdanda ol da jan tapsyrdy. Nebary 20 jasynda Keńes Odaǵynyń Batyry atanýy onyń myqtylyǵyn aıqyndaı túsedi. Táýelsizdik alǵan jyldary el Qarýly kúshteriniń aıaqqa turýyna ólsheýsiz úles qosqanyna tarıh kýá. Qarajat tapshylyǵy sııaqty kóptegen qıyndyqtar týyndaǵan kezde de oqý-jattyǵý jıyndar úzdiksiz jalǵasyp jatatyn edi. Onyń taǵy bir erekshe qasıeti – adamdy tanı bilýi edi. Myqty kadrdy jas kezinen ańǵaratyn. Olaı deıtinim, men qatarlas birqatar azamatty 40 jasynda úlken áskerı qyzmetterge taǵaıyndady. Keıin zeınetkerlikke shyqqanda «qalaı senip tapsyrdyńyz?» dep suraǵanda, «adamdy tanı bilýshi edim» dep qysqa qaıyratyn» edi», - dedi Abaı Tasbolatov.
Konferentsııaǵa qatysýshylar, shákirtteri Saǵadat Nurmaǵambetovtyń erligin nasıhattaý maqsatynda fılm túsirý sııaqty aýqymdy jumystardy qolǵa alý kerek ekenin atap ótti. Olar batyr tulǵanyń tarıhı tulǵasy tolyq zertteýdi qajet etetinin eske saldy.
Esterińizge salsaq, buǵan deıin Saǵadat Nurmaǵambetovtiń senimin aqtaǵan shákirt týraly habarlaǵan edik. Bastemı Jantemiruly tuńǵysh Qorǵanys mınıstri Saǵadat Nurmaǵambetovtiń tikeleı basqarýymen laýazymdy qyzmetke taǵaıyndalǵan.