Sadyr Japarov: Túrkistan - túrkitildes álemniń birliginiń sımvoly

NUR-SULTAN. QazAqparat – Túrki tildes memleketterdiń yntymaqtastyq keńesiniń beıresmı onlaın rejımdegi sammıtinde Qyrǵyzstan Prezıdenti Sadyr Japarov Túrkistan qalasynyń mańyzdylyǵy týraly pikir bildirdi, dep habarlaıdy QazAqparat tilshisi.

«Ejelgi Túrkistan qalasy týraly álem elderi jaqsy biledi jáne shahar túrkitildes elderdiń tarıhyna altyn árippen jazylǵan. Bul qala túrkitildes álemniń birliginiń sımvoly, sondaı-aq túrki órkenıetiniń negizi dep aıtýǵa bolady», - S. Japarov.

Osy oraıda ol Túrkistan qalasynyń tarıhı murasy óte zor ekenin jáne túrki áleminiń óte mańyzdy orny bolyp sanalatynyn atap ótti.

Budan bólek ol Túrki tildes memleketterdiń yntymaqtastyq keńesiniń jumysyna alǵysyn jetkizdi.

«Osy uıym arqyly ekonomıkalyq, mádenı, gýmanıtarlyq jáne áleýmettik máselelerdi sheshý úshin kóp tarapty qatynystarymyz jalǵastyrýymyz kerek. Uıym elderi koronavırýs ınfektsııasy saldaryn eńsere alady degen úmittemin. Bir-birimizge kómek kósetip, túrli kóp tarapty jobalardy jasasaq degen usynys bar. Túrki keńesi ınvestıtsııalyq qor jasaýdy uıǵardy jáne bul óte mańyzdy joba», - dedi Qyrǵyzstan Prezıdenti.