Sadyr Japarov 11 sáýirde Qyrǵyzstanda referendým ótkizý týraly zańǵa qol qoıdy
11:28, 13 Naýryz 2021
BІShKEK. Kabar. QazAqparat – Qyrǵyzstan prezıdenti Sadyr Japarov «QR Konstıtýtsııasy týraly» Qyrǵyzstan Respýblıkasynyń zań jobasy boıynsha referendým (búkilhalyqtyq daýys berý) taǵaıyndaý týraly» zańǵa qol qoıdy, dep habarlaıdy QazAqparat Kabar agenttigine silteme jasap.
Eske sala ketsek, Qyrǵyz konstıtýtsııasyna ózgerister engizý týraly referendýmǵa qatysty zań jobasyn Jogorký Keńesh 2021 jyldyń 11 naýryzynda qabyldady. Zańǵa sáıkes, referendým Qyrǵyzstan aýmaǵynda 2021 jylǵy 11 sáýir, jeksenbige taǵaıyndaldy.
Qyrǵyzstan Respýblıkasy azamattarynyń qabyldaýy úshin referendýmǵa «QR Konstıtýtsııasy týraly» QR Zańynyń jobasy shyǵarylady. Qujat resmı jarııalanǵan kúninen bastap kúshine enedi.