Sadrıddın Ahmedovtyń kezekti jekpe-jegi ótpeıtin boldy

NUR-SULTAN. QazAqparat - Sports.kz saıtynan málim bolǵanyndaı, qazaqstandyq boksshy Sadrıddın Ahmedovtyń kásibı rıngtegi kezekti jekpe-jegi keıinge qaldy, dep habarlaıdy QazAqparat.

Qazaqstandyq sportshyǵa qarsy shyǵýy tıis kanadalyq Mponda Kalýnga osy oqıǵaǵa baılanysty: «Meniń qarsylasym jaraqatyna baılanysty jekpe-jekke shyqpaıtyn boldy. Ókinishti, Monrealda kezekti ataq úshin saıysqa túskim-aq kelgen edi. Men osy kúnge jetý úshin qanshama ýaqyt, kúsh jumsadym. Ózimniń tarapymnan istelýi kerek nárseniń bárin istedim, budan basqa qoldan keler shara joq. Qarsylasymnyń tezirek jazylýyn tileımin. Maǵan jankúıer bolǵan barlyq azamattarǵa alǵys aıtamyn»,-dedi ol.