Sadrıddın Ahmedovtiń AQSh-taǵy jekpe-jegi nokaýtpen aıaqtaldy

<p>ASTANA. KAZINFORM &ndash; Qazaqstandyq boksshy Sadrıddın Ahmedov (13-0, 11 KO) sońǵy eki jyldaǵy alǵashqy jekpe-jegin ótkizdi, dep jazdy <a href="https://www.sports.kz/news/nokautom-zakonchilsya-istoricheskiy-boy-sadriddina-ahmedova-vssha" target="_blank" rel="noopener">Sports.kz.</a></p>

Santa-Inez qalasynda ótken boks keshinde Ahmedov amerıkalyq Antonıo Toddpen (17-10, 9 KO) judyryqtasty.

Ahmedov úshin bul tarıhı jekpe-jek boldy. Ol buǵan deıin AQSh-ta kásipqoı jarysqa qatysqan emes. Jekpe-jek segiz raýndqa josparlanǵan bolatyn. Nátıjesinde qazaqstandyq birinshi raýndta tehnıkalyq nokaýtpen jeńiske jetti.

Osylaısha, Kásipqoı boksta orta salmaqta óner kórsetetin qazaqstandyq Sadrıddın Ahmedov kásipqoı mansabyndaǵy on tórtinshi jeńisine qol jetkizse, Antonıo Todd kásipqoı rıngtegi on birinshi ret jeńiliske ushyrady. Bul Ahmedovtiń 2022 jyldyń jeltoqsanynan bergi birinshi jekpe-jegi ekenin aıta ketken jón.