Sadyr Japarov jumys saparymen Reseıge barady

<p>ASTANA. KAZINFORM - Qyrǵyzstan prezıdenti Sadyr Japarov Reseı Federatsııasynyń prezıdenti Vladımır Pýtınniń shaqyrýymen 20-21 aqpanda Reseı Federatsııasyna jumys saparymen barady. Bul týraly Qyrǵyz Respýblıkasy Prezıdenti Ákimshiliginiń syrtqy saıasat bóliminiń meńgerýshisi Muratbek Azymbakıev málim etti, dep habarlady&nbsp;<a href="https://kabar.kg/news/prezident-sadyr-zhaparov-s-rabochim-vizitom-posetit-rossiiu/" target="_blank" rel="noopener">Kabar</a> agenttigi.</p>

Sadyr Japarov Qazan qalasynda ótetin «Future Games» mýltısporttyq halyqaralyq týrnıriniń resmı ashylý saltanatyna qatysady.

Іs-sharada 21 ınnovatsııalyq tártip boıynsha ártúrli elderden 260-tan astam komandalar men 2000-ǵa jýyq sportshy men kıbersportshynyń qatysýymen dene sporty, kompıýterlik (kıbersport) sport formatyndaǵy sporttyq jarystar kesheni ótedi.

Oǵan birqatar sheteldik memleket basshylary, kórnekti halyqaralyq jáne qoǵam qaıratkerleri, iri IT-kompanııalardyń basshylary qatysady.

- Shara aıasynda Sadyr Japarov Reseı prezıdenti Vladımır Pýtın jáne Tatarstan basshysy Rýstam Mınnıhanovpen ekijaqty kezdesýler ótkizedi.

Kezdesýler barysynda taraptar qyrǵyz-reseı yntymaqtastyǵynyń ózekti máselelerin, onyń ishinde saýda-ekonomıkalyq, mádenı-gýmanıtarlyq jáne ınvestıtsııalyq salalardaǵy máselelerdi talqylaıdy, - dep atap ótti Muratbek Azymbakıev.