Sadyr Japarov ShYU-nyń seriktes elderin Uıymnyń qarjylyq qurylymdaryna tartýdy usyndy

<p>ASTANA. KAZINFORM &ndash; &laquo;ShYU+&raquo; kezdesýi ShYU elderi men seriktes uıymdar arasyndaǵy tereń ózara is-qımyldyń tıimdi alańyna aınalady. Bul týraly elordadaǵy Táýelsizdik saraıynda Shanhaı yntymaqtastyq uıymy sammıti aıasynda ótken &ldquo;ShYU+&rdquo; kezdesýinde Qyrǵyz Respýblıkasynyń Prezıdenti Sadyr Japarov aıtty.</p>

«Qyrǵyz Respýblıkasy dıalog boıynsha seriktestermen ekonomıkalyq jáne gýmanıtarlyq ólshemderdegi ózara is-qımyldy kúsheıtý máselesine aıryqsha mán beredi. Búgingi kúnniń basty mindeti — saýda, ınvestıtsııa, bank isi, kólik, energetıka, sondaı-aq mádenı-gýmanıtarlyq, onyń ishinde týrızm men bilim berý salalaryndaǵy birlesken jobalardy júzege asyrýǵa seriktesterimizdi belsendi tartý», — dedi Qyrǵyz basshysy.

Osy rette ol qazir jobalardy qarjylyq qoldaý úshin ShYU Damý banki men ShYU Damý qoryn qurý jumystary júrgizilip jatqanyn aıtty.

«Bolashaqta dıalog boıynsha seriktesterimizdi osy qurylymdardyń qyzmetine tartý múmkindigin qarastyrǵan jón dep sanaımyn. „ShYU+“ kezdesýiniń mundaı formaty ShYU elderi men seriktes uıymdar arasyndaǵy tereń ózara is-qımyldyń tıimdi alańyna aınalatynyna senimdimin», — dedi Sadyr Japarov.