Sadyr Japarov pen TMD bas hatshysy Bishkektegi sammıtti qorytyndylady

<p>Búgin Bishkektegi &laquo;Ala-Archa&raquo; memlekettik rezıdentsııasynda qyrǵyz tarapynyń tóraǵalyǵymen TMD elderi basshylarynyń keńesi ótti, dep habarlaıdy &nbsp;<a href="https://kaz.inform.kz/" target="_blank" rel="noopener">Kazinform.&nbsp;</a></p>

Qyrǵyz Respýblıkasynyń prezıdenti jıyndy qorytyndylap, bıyl TMD-ǵa tóraǵalyq etken Qyrǵyz Respýblıkasy sammıtti joǵary deńgeıde ótkizý úshin bar kúshin salǵanyn aıtty.

«Jumysymyz uıym qyzmetiniń tıimdiligin arttyrý, Dostastyq keńistiginde ıntegratsııalyq protsesterdi tereńdetý jáne múshe-memleketterdi sheshim qabyldaý jáne ony júzege asyrý protsesine qatystyrýǵa baǵyttaldy. QR tóraǵalyǵy aıasynda Uıymnyń saıası, saýda-ekonomıkalyq, mádenı-gýmanıtarlyq jáne basqa da mańyzdy salalarynda kóptegen is-shara ótti. Qyrǵyz eli tóraǵa bolǵan kezdegi mańyzdy oqıǵalardyń biri ekologııa men tabıǵatty qorǵaýǵa qatysty boldy. Qyrǵyz Respýblıkasy uıym aıasynda seriktestiktiń barlyq qyryna, onyń ishinde óńiraralyq seriktestik, qaýipsizdik máseleleri, halyqaralyq terrorızm jáne uıymdasqan qylmyspen kúres máselelerine kóńil bóldi. Jıynda gýmanıtarlyq seriktestikti keńeıtý jáne nyǵaıtýǵa baǵyttalǵan kelisimder maquldanyp, sheshimder qabyldandy», - dep atap ótti Sadyr Japarov.

TMD bas hatshysy Sergeı Lebedev TMD basshylarynyń otyrysynda halyqaralyq arenada, kóppolıarly, álemde ózara qarym-qatynasty retteıtin úsh mańyzdy qujat qabyldanǵanyn atap ótti.
Sondaı-aq ol ár jıynnan keıin aıtylǵan usynystyń bári taldanyp, bir qujatqa jınalyp, sol ıdeıalar men usynystardy júzege asyrý jospary qurylatynyn aıtty.

«Eshbir usynys eskerýsiz qalmaıdy, olardy tájirıbe júzinde oryndaý úshin bar kúsh salynady», - dep sammıttegi sózin qorytyndylady S.Lebedev.