Sadyr Japarov qyrǵyzstandyqtardy «Manas» eposy kúnimen quttyqtady

<p>Qyrǵyz Respýblıkasynyń prezıdenti Sadyr Japarov búgin qyrǵyzstandyqtardy &laquo;Manas&raquo; eposy kúnimen quttyqtady. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://kabar.kg/news/sadyr-zhaparov-pozdravil-kyrgyzstantcev-s-dnem-eposa-manas-2/" target="_blank" rel="noopener">Kabar</a> agenttigine silteme jasap habarlaıdy.</p>

«Qurmetti qyrǵyzstandyqtar! Búgin urpaqtan urpaqqa berilip, ákesi ulyna aıtyp berip, ondaǵan ǵasyr boıy halqymyzdyń júreginde saqtalǵan Uly «Manas» eposy kúni. «Manas» eposy – qyrǵyz halqynyń ulttyq maqtanyshy, rýhanı murasy, álemdegi ulttyq poezııa jaýhary, halyq kóptegen ǵasyr boıy qasterlep kele jatqan jolbasshy! Eger alqyzyl týymyz, eltańba men ánuran memlekettiń sımvoly bolsa, «Manas» eposy – ult birligi sımvoly. Qyrǵyz halqynyń ǵasyrlardan jetken ulylyǵy men birligi «Manas» eposynda sıpattalǵan. Osy uly birlikte kópultty Qyrǵyzstannyń ulttyq ıdeologııasy jatyr», dep atap ótti Qyrǵyz prezıdenti.

Sondaı-aq ol «Manas» eposyn tanytý úshin qandaı is-sharalar atqarylǵanyna toqtaldy.

«2022 jyldyń 22 sáýirinde men «Manas» eposy trılogııasyn («Manas», «Semeteı», «Seıtek» epostary) – qyrǵyz halqynyń baǵa jetpes rýhanı murasyn jan-jaqty zertteý jáne tanytý boıynsha qosymsha is-sharalar týraly» Jarlyqqa qol qoıdym. Sodan keıin kóp uzamaı, 2022 jyldyń 28 qyrkúıeginde «Manas» eposyn tanytý jáne ǵylymı zertteý úshin qajet keshendi jaǵdaılar qurý týraly jarlyqpen «Manas jáne Shyńǵys Aıtmatov atyndaǵy Ulttyq akademııa» memlekettik mekemesi «Manas Ulttyq akademııasyna» aınaldy. Men bul qadamdar «Manas» eposyn keshendi zertteýge septigin tıgizetinine senimdimin», - dep atap ótti Sadyr Japarov.