Sadyr Japarov: Qyrǵyzstanda únemdelgen sýdyń ár lıtri - kórshilerimizge kómek

<p>ASTANA. KAZINFORM - Qyrǵyzstan prezıdenti Sadyr Japarov Bishkekte ótken ІІІ halyqtyq quryltaıda sóılegen sózinde halyqty sý resýrstaryn tıimdi paıdalanýǵa shaqyrdy.</p>

Sadyr Japarov álemdegi ekologııalyq jaǵdaıdyń nasharlaýyna baılanysty sý tapshylyǵynyń jyl saıyn artyp kele jatqanyn eske saldy.

- Biz ózenderdiń bastaýynda ornalasqan taýly elmiz. Bizdegi sý resýrstary bizdi ǵana emes, kórshi elderdi de qamtamasyz etedi. Bul rette únemdelgen sýdyń árbir lıtri kórshilerimizge kómek. Sýdy tıimdi paıdalaný – ózimizdiń ǵana emes, kórshiles elderde turatyn halyqtardyń aldyndaǵy jaýapkershiligimiz, – dedi Qyrǵyzstan Prezıdenti.

Foto: QR Prezıdentiniń baspasóz qyzmeti

Onyń aıtýynsha, halyqty sýarmaly sýmen qatar aýyz sýmen qamtamasyz etýdi únemi nazarda ustaýdy jáne naqty qadamdy qajet etedi.

- Biz bul máseleniń aýyrlyǵyn túsinemiz. Sońǵy jyldary biz 400 myńnan astam adamdy taza aýyz sýmen qamtamasyz etsek, 2025 jyly qosymsha 150 myń adamdy sýmen qamtamasyz etýdi josparlap otyrmyz. Elimizdegi árbir otbasy taza sýǵa qol jetkizbeıinshe, biz toqtamaımyz, - dedi ol.

Eki kúnge sozylatyn quryltaıǵa respýblıkanyń barlyq oblystarynan 698 delegat, onyń ishinde 30 etnos ókilderi, 30 sheteldegi eńbek mıgranttary, sondaı-aq mınıstrler kabıneti músheleri, parlament depýtattary, memlekettik organdardyń ókilderi qatysty.

Aıta keteıik, II Halyq Quryltaıy 2023 jyldyń 15-16 jeltoqsanynda Bishkekte ótken bolatyn.

Qyrǵyzstanda 2025 jyldan bastap tańbalanbaǵan janarmaı aınalymyna tyıym salynady.