Sadyr Japarov buzaqylyq jasady dep aıyptalǵan jaqtastarynyń ustalýyna qatysty pikir bildirdi

<p>ASTANA. KAZINFORM &ndash; Bishkekte polıtseıler buzaqylyq jasady degen kúdikke ilingen bir top adamdy ustady, alty adamnyń fotosy jarııalandy. Internet paıdalanýshylary kópshiligin &laquo;Mekenchıl&raquo; partııasynyń ókilderi dep tanyp, olardyń ustalýy áleýmettik jelide qyzý talqyǵa tústi. Qyrǵyzstan prezıdenti Sadyr Japarov jaǵdaıǵa qatysty pikir bildirdi, dep habarlaıdy &laquo;<a href="https://kabar.kg/news/zameshannye-v-korruptcii-budut-privlecheny-k-otvetstvennosti-bud-oni-v-mekenchile-ili-net-prezident/" target="_blank" rel="noopener">Kabar</a>&raquo; aqparat agenttigi.&nbsp;</p>

«Sońǵy kezde ózderin „Mekenchıl“ partııasynyń múshesi dep júrgen alaıaqtar men bopsalaýshylar paıda boldy. Ustalǵandardyń ekeýi bopsalaýmen aınalysady. Olar bopsalaý arqyly ońaı aqsha tapqan. Qalǵan úsheýine ne bolǵanyn bilmeımin. Ustalǵandardyń biriniń habarlamalaryn, telefon qońyraýlaryn jáne daýys jazbalaryn kórgende, men oǵan telefon soǵyp: „Jigitter, mundaı las jolmen kún kórýdiń qajeti joq. Kásipkerlikpen aınalysyp, laıyqty adam retinde ómir súrińder“ dedim. Barlyq usaq-túıek mán-jaılardy aıtpaımyn. Onyń týystary bárin jaqsy biledi. Otbasynyń aldynda eskerttim: „Sen áli jassyń. Eńbek et, adal eńbekpen tabys tap“ dedim», — dedi S. Japarov.

Sondaı-aq ol eger bireý zańsyz áreketke barsa, bopsalaý nemese sybaılas jemqorlyqpen aınalyssa, «Mekenchıl» uıymynyń múshesi me, joq pa, jaýapkershilikke tartylatynyn qosyp ótti. 

«Bopsalaýshylardyń bireýdi „prezıdentke shaǵym túsirip, ony qyzmetinen ketiremiz“ dep qorqytyp jatqanyn bilgen boıda eki jaqqa da telefon soǵyp, eskerttim: „Men qaı memlekettik qyzmetkerdiń qalaı jumys isteıtinin anyq kórip turmyn. Qazir zaman basqa. Memleket qazynasynan bir tıyn da urlaý múmkin emes. Maǵan buryn kimniń qaı partııamen saılaýǵa qatysqany mańyzdy emes“, — dep túsindirdi ol.

Prezıdent bolǵan tóbeles pen sharalardyń birinde jasyryn kameranyń tabylyp, keıin belgili bir beınejazbanyń jarııa etilýi arasyndaǵy baılanysty joqqa shyǵardy. Ol sondaı-aq oǵan úkimettiń qatysy bar ekenin joqqa shyǵaryp, ister tergelip jatqanyn aıtty.

Eske sala ketsek, keshe Bishkek qalalyq ІІB qala turǵynyn uryp-soǵyp, ustady degen kúdikke ilingen alty er adamnyń ustalǵanyn habarlady. Bul oqıǵa áleýmettik jelilerde qyzý talqylanyp, keıbir qoldanýshylar ustalǵandardy «Mekenchıl» partııasynyń músheleri dep atady.