Sadyr Japarov 2026 jylǵa deıin sheneýnikterdiń aılyǵyn kóterýge tyıym saldy

<p>ASTANA. KAZINFORM — Qyrǵyzstan prezıdenti memlekettik qyzmetkerlerdiń jalaqysyn kóterýge moratorıı engizdi. Tıisti qujat úkimettik «Erkın-Too» gazetinde jarııalandy, dep habarlaıdy <a href="https://24.kg/vlast/304414_moratoriy_napovyishenie_zarplatyi_gosslujaschih_vvel_prezident_kyirgyizstana/" target="_blank" rel="noopener">24.kg.</a></p>

Tyıym 2026 jylǵa deıin engizilgen. Atap ótilgendeı, bul sheshim memlekettik bıýdjet shyǵyndaryn ońtaılandyrý maqsatynda qabyldanǵan.

Memlekettik vedomstvo, komıtetter, prezıdenttiń óńirlerdegi ýákiletti ókildikteri, sondaı-aq jergilikti basqarý organdary qyzmetkerleriniń jalaqysyn kóterýge tyıym salynyp otyr.

Sondaı-aq memlekettik organdardyń shtat sanyn keńeıtýge de ruqsat joq. 

Memlekettik qyzmetkerlerdiń jalaqysyn, sondaı-aq shtat qurylymyn ózgertý erekshe jaǵdaılarda memleket basshysynyń jeke sheshimimen múmkin bolady. 

Moratorıı qyzmetin Prezıdent pen Mınıstrler kabıneti sheshimderiniń oryndalýyn baqylaý bólimi qadaǵalaýy tıis.