Sádibek Túgel shtaby elordada ekologııalyq aktsııa ótkizdi

NUR-SULTAN. QazAqparat - Búgin elordadaǵy «Jetisý» saıabaǵynda QR Prezıdenttigine úmitker Sádibek Túgeldiń saılaýaldy shtaby ekologııalyq aktsııa ótkizdi, dep habarlaıdy QazAqparat kandıdattyń baspasóz qyzmetine silteme jasap.

1991 jyly 12 mamyr - ekologııalyq bilim kúni retinde belgilenip, Reseıde jáne TMD elderinde atalyp ótip keledi. Aktsııanyń maqsaty - qorshaǵan ortaǵa qamqorlyq, ekologııalyq bilim berý arqyly jas býyndy týǵan jeriniń tabıǵatyna janashyrlyqpen qaraýǵa tárbıeleý.

Sádibek Túgel óziniń saılaýaldy baǵdarlamasynda «Jer ana - janymyz, ana tili - arymyz» dep, urpaq boıyna ulttyq qundylyqtardy sińirýdi basty maqsat etkendikten, bul sharaǵa mektep oqýshylary men respýblıkalyq karate federatsııasynan jas býyn kelip qatysty.

Olar saıabaqtaǵy qoqysty jınap, «Uly Dala qyrandary» qozǵalysynan QR Prezıdenttigine úmitker Sádibek Túgel shtaby uıymdastyrǵan ekologııalyq aktsııaǵa atsalysty. Osylaısha jas urpaq «adamnyń sanasy tazarmaı, qalasy tazarmaıtynyn» sezinip, tazalyq aktsııasynan erekshe áser aldy.