Sádibek Túgel perzenthanada jańa týǵan sábılerge bata berdi
Úmitkerdiń saılaýaldy baǵdarlamasyndaǵy basty baǵyttardyń biri - demografııaǵa erekshe kóńil bólý. Osyǵan oraı, Sádibek Túgel Qaraǵandy oblystyq klınıkalyq aýrýhana janyndaǵy perzenthana bólimin aralady. Ómirge perzent ákelip, qýanyshtan júzderi jaınaǵan tórt ana - Madına Ysqaqova, Ásel Esendaýletova, Elmıra Abdrahmanova men Móldir Ábenge gúl shoǵyn syılap, aq tilegin arnady.
«10 jyldan astam ýaqyt oblystyń barlyq shalǵaı aýdandary men qalalaryndaǵy analardyń densaýlyǵyn qadaǵalap, olarǵa qaltqysyz qyzmet kórsetip kelemiz. Bizdiń perzenthana bóliminde jylyna eki myńdaı sábı ómirge keledi ári bul kórsetkish jyl ótken saıyn kóbeıe túsýde»,- deıdi aýrýhananyń akýsherlik-fızıologııalyq bóliminiń meńgerýshisi Janar Jarova.
Akýsher-gınekolog Natalıa Býınenkonyń aıtýynsha, sońǵy kezderi munda besinshi,altynshy, jetinshi balalaryn ómirge ákelip jatqan analardyń kóbeıip otyr. Jańa týǵan sábılerge aq batasyn bergen Sádibek Túgel men onyń senimdi ókilderi budan keıin qala ortalyǵyndaǵy saıası qýǵyn-súrgin qurbandaryna arnalǵan eskertkishke baryp, gúl shoǵyn qoıdy.