Sádibek Túgel Almatyda zııaly qaýym ókilderimen kezdesti

NUR-SULTAN. QazAqparat - Almatydaǵy Qazaq sport jáne týrızm akademııasynda QR Prezıdenttigine kandıdat Sádibek Túgel zııaly qaýym ókilderimen kezdesý ótkizdi.

Kezdesýge atalǵan oqý ornynyń stýdentteri de qatysty. Sádibek Túgel saılaýaldy baǵdarlamasy týraly tarqatyp aıtyp berdi.

Kezdesýge «Juldyz» jýrnalynyń bas redaktory Ǵalym Jaılybaı, «Mysl» jýrnalynyń bas redaktory Aıaǵan Sandybaı, QR eńbek sińirgen qaıratkeri, belgili kompozıtor Bolat Áshirbaev, aqyn Almas Ahmetbekov, Qazaq sport jáne týrızm akademııasynyń birinshi prorektory Muhtar Esqalıevtar qatysty. Keshti belgili jýrnalıst Alma Serikqalıqyzy júrgizdi.

Eske sala keteıik, QR Prezıdentiniń saılaýy 9 maýsym kúni ótedi. Saılaýǵa 7 kandıdat tirkeldi.