Sadaq atýdan Erbol Tápenov pen Qasymhan Qanat kúmis jáne qola medal aldy

<p>ASTANA. KAZINFORM &mdash; Búgin 5-shi Dúnıejúzilik kóshpendiler oıyndarynda Dástúrli sadaq atý boıynsha Qalqan nysanasyn kózdeýden saıys ótti. Onda eki otandasymyz &ndash; Erbol Tápenov pen Qasymhan Qanat kúmis jáne qola medal jeńip aldy.</p>

Qalqan nysanasyn kózdeýde erler 60 metr, áıelder 50 metr qashyqtyqta nysana kózdeıdi. Munda ár sportshyǵa 7 múmkindikten beriledi, ár múmkindikte 3 mınýt ýaqyt bolady jáne 7 jebe atylady.

Jarys qorytyndysy boıynsha erler arasynda majarstandyq Laslo Kochka altyn, qazaqstandyq Erbol Tápenov kúmis jáne Qanat Qasymhan men mońǵolııalyq Tseveen Hýderchýlýýn qola júlde aldy. 

Foto: Maksat Shaǵyrbaev/Kazinform

Áıelder arasynda búgin qazaqstandyq sportshylar fınalǵa shyǵa almady, altyn medaldi – ındonezııalyq Sýrı Reno, kúmis medaldi reseılik Anna Alekseeva jáne qola júldeni majarstandyq Barchaı Nıkolet Ilona men qyrǵyzstandyq Ásel Sadyrova aldy.

Aıta keteıik, keshe Dástúrli sadaq atýdan Pýta nysanasyn kózdeýde qazaqstandyq sportshylar bir altyn, eki qola medalin jeńip aldy.

Erteń jamby stılinde sadaq atý jarystary ótedi jáne 12 qyrkúıekke jalpy komandalyq jarystar josparlanǵan.