Sabyr saqtap, ǵımarattan shyǵyńyz: Almatyda seısmıkalyq oqý-jattyǵý ótedi

ALMATY. QazAqparat - 11 qyrkúıek kúni Almatyda jer silkinisi kezindegi is-áreketterdi pysyqtaý úshin oqý-jattyǵý ótedi. Tańǵy saǵat 10:00-de qala boıynsha dabyl júıeleri iske qosylady, dep habarlaıdy QazAqparat tilshisi.

Qalalyq Tótenshe jaǵdaılar departamentiniń ókilderi, qala turǵyndary men qonaqtarynan seısmıkalyq jattyǵýdy bastamas buryn dabyl chemodanyn daıyndap, qaýipsiz jerge evakýatsııalaý baǵytyn aldyn ala aıqyndaý kerektigin aıtty.

- Qaýipsiz oryndar – elektr jelileri men ǵımarattardan alys ornalasqan ashyq jerler.

- «Barlyǵyna, nazar aýdaryńyz!» sıgnalyn estigennen keıin, sabyr saqtap, ǵımarattan evakýatsııalanyńyz.

- Tótenshe jaǵdaılarǵa daıyn bolý - adam ómiri men densaýlyǵyn saqtaýdyń kepili. Seısmıkalyq jattyǵýǵa belsendi qatysýǵa shaqyramyz.

«Qalada shartty túrde baspanasyz qalǵan adamdarǵy 384 qabyldaý pýnkti is júzinde ornalastyrylady. Atalǵan beketter halyqty jınaýǵa, tirkeýge, ýaqytsha ornalastyrýǵa, zardap shekken halyqty qajetti zattarmen (sý, tamaq, azyq-túlik) qamtamasyz etýge, kólikke otyrǵyzyp jáne qaýipsiz aýdandarǵa evakýatsııalaýǵa arnalǵan»,- dep habarlady departamentten.

TJD qyzmetkerleri, jer silkinisi kezinde qarapaıym 10 qadamǵa mán berýge shaqyrdy:

- jer dúmpýi kezinde úreılenbeńiz;

- jer silkiný kezinde lıft jáne baspaldaqty qoldanbańyz;

- jıhazdan, terezeden, aspashamdardan alys turyńyz;

- jasyrynatyn jerdi tabyńyz (eger joǵarǵy qabatta bolsańyz, negizgi irgeli qabyrǵalardyń buryshynda jasyryńyz);

- ǵımarattan shyǵyńyz (kópqabatty úılerde jer silkinisi aıaqtalǵan soń);

- úıden shyǵar aldynda sýdy, gazdy, elektr qýatyn múmkindigińizshe óshirińiz;

- dabyl jol sómkesin alyńyz (aldyn ala daıyndaý qajet);

- elektr jelilerden, ǵımarat, aǵashtardan aýlaq bolyńyz;

- jerasty dúmpýiniń qaıtalanýyna daıyn bolyńyz;

- qart adamdarǵa, balalarǵa, múmkindigi shekteýli adamdarǵa kómek kórsetińiz;

Almaty 9-10 baldyq seısmıkalyq aımaqta ornalasqan. Jyl saıyn qalada 200-ge deıin álsiz, sezilmeıtin jer silkinisi bolady.

Bul rette 2-den 4 balǵa deıingi jer silkinisteri - Almaty úshin fondyq rejım.