Sábiz eksportyna salynǵan tyıym toqtatyldy - AShM
«Sábiz eksportyna tyıym salyný birinshi kezekte atalǵan ónimmen ishki naryqty toltyrý, halyqty atalǵan ónimmen qoljetimdi baǵada qamtamasyz etý maqsatynda engizildi.
Bul rette, kókónis saqtaý qoımalaryna júrgizilgen skrınıng respýblıkadaǵy sábizdiń qory 242,9 myń tonnany ekenin anyqtady. Onyń 70%-y jeke qosalqy sharýashylyqtardyń qolynda. Azyq-túlik taýarlarynyń ratsıonaldy tutyný normalaryna sáıkes, aqpan-sáýir aılarynda qazaqstandyqtarǵa 144,7 myń tonna sábiz qajet. ıAǵnı, qamtamasyz etilý 241% degen sóz nemese 98,1 myń tonna sábiz artyq.
Osy jaıty jáne sábiz saqtaýdyń ońtaıly merziminiń qysqalyǵy eksporty tyıymyn joıýǵa múmkindik beredi», - dep jazylǵan mınıstrliktiń baspasóz qyzmeti usynǵan túsindirmede.
Mınıstrlik «Saryaǵash stantsııasy» keden beketiniń qyzmetkerleriniń 40 vagon kartopty elden shyǵarmaı ustaý faktisi týraly da málimet berdi.
«Bul partııanyń fıtosanıtarlyq sertıfıkattaryn tekserý kezinde QR Aýyl sharýashylyǵy mınıstrligi AÓK memlekettik ınspektsııa komıtetiniń memlekettik ınspektorlary sábiz eksportyna tyıym engizilgenge deıin berilgeni anyqtaldy. Osyǵan baılanysty mınıstrlik atynan atalǵan taýarlardy áketýge eshqandaı kedergiler bolmaǵan.
ıAǵnı, bul taýarlar zańnama normalaryna sáıkes bolǵandyqtan QR aýmaǵynan shyǵarylýy tıis edi. Osyǵan oraı QR Qarjy mınıstrliginiń Memlekettik kirister komıtetiniń aqparaty boıynsha qazirgi ýaqytta atalǵan kólemderdi Qazaqstan aýmaǵynan shyǵarý boıynsha sharalar qabyldandy», - delingen vedomstvo málimetinde.