Sábiz eksporttaý úshin sertıfıkat alý kerek - AShM
«QR AShM Agroónerkásip keshenindegi memlekettik ınspektsııa komıteti Qazaqstanda sábizdi eksporttaýǵa eshqandaı tyıym salynbaǵany týraly habarlaıdy. Atalmysh ónimdi shetelge shyǵarý úshin fıtosanıtarııalyq sertıfıkattardy berý shtattyq rejımde júrgizilýde. Sábiz eksporttaǵysy keletin kásipkerler fıtosanıtarııalyq sertıfıkat alý úshin Komıtettiń oblystyq aýmaqtyq bólimshelerine júginýi qajet», - delingen vedomstvo habarlamasynda.
Fıtosanıtarııalyq sertıfıkattar berý Qazaqstan Respýblıkasy zańnamasynyń talaptary men reglamentine sáıkes júrgiziledi.
«Tótenshe jaǵdaıdyń engizilýine baılanysty ósimdikter karantıni jónindegi memlekettik ınspektorlar kúsheıtilgen jumys rejımine kóshirildi. Barlyq qajetti tekserý protsedýralarynyń atqarylýyna jáne sábizdiń fıtosanıtarlyq jaǵdaıyna qaraı kásipkerler sertıfıkattar ala alady», - dep naqtylady mınıstrlik ókilderi.
Budan buryn habarlanǵandaı, mınıstrlik oramjapyraqty eksporttaýǵa sertıfıkattar shtattyq rejımde berilip jatqanyn málim etken bolatyn.