Sabaqqa barǵysy kelmegen oqýshy eki kún qatarynan «mektepte bomba bar» dep habarlaǵan

<p>QARAǴANDY. KAZINFORM — Qaraǵandydaǵy mektepterdiń birinde darylǵysh zat bar degen jalǵan aqparat taratqan bala anyqtaldy. Onyń ata-anasy ákimshilik jaýapkershilikke tartylady. </p>

— Qaraǵandy oblysynda quqyq qorǵaý organdary Y.Altynsarın atyndaǵy mektep-lıtseıde jarylǵysh qurylǵy ornatylǵany týraly eki ret jalǵan aqparat bergen kámeletke tolmaǵan oqýshyǵa qatysty qylmystyq is qozǵady, — dep habarlady Qaraǵandy oblysy PD baspasóz qyzmeti.

Qońyraýlar dıspetcherge 2 jáne 3 qyrkúıekte túsken.

Ózin mektep oqýshysy dep tanystyrǵan bala tótenshe jaǵdaılar departamentiniń kezekshi bólimine habarlasyp, oqý ornynda bomba bar dep málimdegen.

Tekserý barysynda aqparat rastalmaǵan.

Jedel-izdestirý is-sharalary nátıjesinde Qaraǵandy oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri mektep-lıtseıdiń kámeletke tolmaǵan oqýshysynyń jalǵan terrorızmge qatysy bar ekenin anyqtady. 

Ustalǵan balanyń aıtýynsha, ol sabaqqa barǵysy kelmegen soń osyndaı qadamǵa barǵan. 

— Balanyń ata-anasy ákimshilik jaýapkershilikke tartyldy. Tergeý áreketteri jalǵasyp jatyr. Atalǵan jaǵdaı mundaı «ázildiń» orynsyz ekenin jáne jasóspirimderdiń áreketin baqylaý qajettigin kórsetedi, — dep qosty polıtsııa departamentinen.