Sabaq ústinde telefon qaraýǵa shekteý engizildi – depýtattar zańdy qabyldady

<p>Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine bilim berý jáne tálimgerlik máseleleri boıynsha ózgerister men tolyqtyrýlar engizý týraly&raquo; Zańy qabyldandy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Ustazdarmen bolǵan kezdesýlerde túsken taǵy bir másele oqýshylardyń sabaq ústinde telefon paıdalanýyna qatysty. Telefonǵa tyıym salýǵa zańnamada naqty shekteý joq. Osyǵan oraı, jobaǵa sabaq kezinde uıaly telefondardy paıdalanýdy shekteý týraly arnaıy norma da engizildi», – dedi depýtat Ashat Aımaǵambetov.

Májilis ókiliniń paıymynsha, oqý barysynda bala sabaq oqýy kerek. Sebebi telefon bul protseske kedergi keltiredi.

«Bizdiń usynyp otyrǵan normamyz tek sabaq kezinde ǵana shekteýge arnalǵan. Al balanyń úziliste paıdalanýyna shekteý bolmaıdy. Sabaq kezinde bala áleýmettik jelilerdi qarap otyrǵany durys emes. Eger muǵalimniń sabaq josparynda keıbir qosymshalardy paıdalaný qajet bolsa, onda sabaq kezinde ınnovatsııalyq tehnologııalar maqsatynda smartfondy qoldanýǵa ruqsat etiledi. Atap aıtqanda, jalpy mektepte paıdalanýǵa shekteý qarastyrylmaǵan», – dedi depýtat.

Aıta keteıik, atalǵan zań boıynsha mektep pen aýrýhana salynbaǵan aýdandarda kópqabatty turǵyn úılerdi turǵyzýǵa tyıym salynady.

Sonymen qatar Qazaqstanda jetim balalardyń tárbıesine arnalǵan jańa tálimgerlik ınstıtýty engiziledi.

Mektep dırektoryna orynbasarlarynyń sanyn óz erkimen retteý múmkindigi de beriledi.