S.Saparbaev Saıram aýdanynyń ákimi bolyp taǵaıyndaldy

ASTANA. QazAqparat - QR Prezıdenti Ákimshiliginiń kelisimi jáne Saıram aýdandyq máslıhatynyń kelisimi boıynsha Ońtústik Qazaqstan oblysy ákiminiń ókimimen Saıram aýdanynyń ákimi laýazymyna Samat Saparbaev taǵaıyndaldy. Bul týraly OQO ákiminiń baspasóz qyzmeti habarlady.

Samat Aıdarhanuly 1962 jyly týǵan, bilimi joǵary, mamandyǵy - ınjener-mehanık. 

Eńbek jolyn 1985 jyly Jambyl kirpish zaýytynyń slesari retinde bastaǵan. 1988-1991 jyldary Ońtústik Qazaqstan oblysy Saıram aýdandyq komsomol komıtetiniń nusqaýshysy, hatshysy laýazymdaryn atqarǵan.

Memlekettik qyzmetti ótkerýdi 1992 jyly Ońtústik Qazaqstan oblysy Saıram aýdandyq ákimshiligi jastar isi bóliminiń meńgerýshisi laýazymynda bastaǵan.

1997-2013 jyldary Ońtústik Qazaqstan oblysy Saıram aýdany ákimi apparaty uıymdastyrý-kadrlyq jumys bóliminiń meńgerýshisi, aýmaqty damytý jáne kadrlarmen jumys bóliminiń meńgerýshisi, Saıram aýdany Qarasý aýyl okrýginiń ákimi, Saıram aýdany ákimi apparatynyń basshysy, Saıram aýdany ákiminiń orynbasary laýazymdaryn atqarǵan.

2013 jyldyń maýsym aıynan bastap Ońtústik Qazaqstan oblysy Ordabasy aýdanynyń ákimi laýazymyn atqaryp keldi.