S&P: Halyqaralyq sanktsııalar Reseıdiń qoljetimdi valıýtalyq rezerviniń jartysyna jýyǵyn qysqartty

MÁSKEÝ. TASS - QazAqparat – S&P halyqaralyq reıtıng agenttigi Reseıdiń shetel valıýtasyndaǵy uzaq merzimdi táýelsiz kredıttik reıtıngin «VV+»-ten «CCC- «-ke deıin jáne ulttyq valıýtadaǵy uzaq merzimdi reıtıngin «VVV-»-ten «CCC-»-ke deıin tómendetti, dep habarlaıdy QazAqparat TASS-qa silteme jasap.

Reıtıngter teris boljammen CreditWatch (qaıta qaraý reıtıngi) tizimine engizilgen. S&P agenttiginiń málimetinshe, halyqaralyq sanktsııalar Reseıdiń qoljetimdi valıýta rezervterin, sonyń ishinde AQSh, EO jáne Japonııada tirkelgen shetel valıýtasyndaǵy depozıtter men baǵaly qaǵazdardy qysqartty,

bul shetel valıýtasyna suranystyń ósýi kezeńinde eldiń syrtqy ótimdiligin álsiretti.

«Biz jarııa aqparattan jáne baspasóz habarlamalarynan kapıtaldyń qozǵalysyn baqylaý jónindegi sharalar transshekaralyq qarjy aǵyndaryna, onyń ishinde jeke sektordyń da, memlekettiń de boryshyna qyzmet kórsetý jónindegi tólemderge tyıym salýǵa ákep soǵatynyn túsinemiz. Bul ulttyq jáne shetel valıýtasyndaǵy oblıgatsııa ustaýshylardyń - rezıdent emesterdiń paıyzdardy jáne/nemese qaryzdyń negizgi somasyn ýaqytyly alý múmkindigin shekteıdi dep oılaımyz», - delingen habarlamada.