S.Nurmaǵambetovti eske alý qurmetine oraı bokstan halyqaralyq jarys ótip jatyr (FOTO)
QR Qorǵanys mınıstrligi baspasóz qyzmetiniń habarlaýynsha, kópten beri úzdiksiz ótkizilip kele jatqan týrnır Qazaqstanda ǵana emes, sonymen birge elimizden tys jerlerde tanymal.
Jyl saıyn týrnırge taıaý jáne alys sheteldegi memleketterden 150-den asa sportshylar qatysady. Bıylǵy jyly Almatyda Qazaqstannyń komandalarymen qatar Reseı, Ózbekstan, Tájikstan, Qyrǵyzstan, Mońǵolııa, Malaızııa jáne Qytaıdyń boksshylary keldi.
«Kezinde S.Nurmaǵambetov týrnıri Serik Sápıev, Gennadıı Golovkın, Baqtııar Artaev, Erkebulan Shanalıev syndy sportshylarǵa sportta joǵary jetistikterge jetýge jol ashty. Bul búgingi tartystyń joǵary deńgeıi men bedelin taǵy bir márte rastady», - dedi Olımpıada chempıony Ermahan Ybyraıymov. Týrnır 10 salmaqtyq dáreje boıynsha ótkizilýde. Sheshýshi jekpe-jek 28 mamyrda ótedi.