S.Ahmetov ortalyq memorgandar basshylaryna Elbasy tapsyrmalarynyń oryndalýyn erekshe baqylaýǵa alýdy tapsyrdy
11:52, 23 Qazan 2012
ASTANA. 23 qazan. QazAqparat - Búgin elimizdiń aǵymdaǵy jylǵy 9 aıyndaǵy áleýmettik-ekonomıkalyq damý qorytyndylaryna arnalǵan Úkimet otyrysynda QR Premer-Mınıstri Serik Ahmetov ortalyq memlekettik organdar basshylaryna Elbasy tapsyrmalarynyń oryndalýyn erekshe baqylaýǵa alýdy tapsyrdy.
S.Ahmetov óz sózinde Úkimettiń keńeıtilgen otyrysynda Memleket basshysy Nursultan Nazarbaevtyń ındýstrııalandyrý, óńirlerdi áleýmettik jańǵyrtý jáne damytý mindetterin sheshý baǵytynda bergen tapsyrmalaryn oryndaý qajettigine erekshe toqtaldy.
«Ózderińiz biletindeı, Úkimette 30 tarmaqtan turatyn is-sharalarlardyń sáıkes jospary ázirlendi ári 26 tapsyrmanyń oryndalý merzimi osy jyldyń tórtinshi toqsanyna, al qalǵandary kelesi jyldyń basyna belgilengen. Sondyqtan da men ortalyq memlekettik organdardyń basshylaryna, mınıstrlerge Memleket basshysy tapsyrmalarynyń oryndalý barysyn erekshe baqylaýǵa alýdy tapsyramyn», - dedi S.Ahmetov.