S. Ahmetov QR Mádenıet mınıstrliginiń ujymyna jańa basshyny tanystyrdy

ASTANA. QazAqparat - QR Premer-Mınıstri Serik Ahmetov QR Mádenıet mınıstrliginiń ujymyna vedomstvonyń jańa basshysy Arystanbek Muhamedıulyn tanystyrdy, dep jazady primeminister.kz saıty.

«Memleket basshysynyń Jarlyǵymen Arystanbek Muhamedıuly Mádenıet mınıstri bolyp taǵaıyndaldy. Memleket basshysy Sizge, osynaý jumystyń mańyzdy salasyn senip tapsyrdy. Prezıdent kóp ultty Qazaqstannyń mádenıetine, tózimdilikti nyǵaıtýǵa, ultaralyq kelisimge aıryqsha kóńil bóledi», - degen Úkimet basshysy Mádenıet mınıstrliginiń jańa basshysyna jumysta tabystar tiledi. QR Premer-Mınıstri sondaı-aq vedomstvonyń burynǵy basshysy Muhtar Qul-Muhammedke atqarǵan jumysy úshin alǵys bildirdi.

«M.Qul-Muhammedtiń basshylyǵymen mádenıet jáne aqparat salasynda belgili bir nátıjelerge qol jetkizildi,- degen S.Ahmetov, - Siz otandyq mádenıet pen ónerdiń damýyna eleýli úles qostyńyz»,- dep onyń eńbegin atap ótti.

Memleket basshysynyń Ókimimen M.Qul-Muhammed QR Prezıdentiniń keńesshisi bolyp taǵaıyndalǵanyn eske salamyz.