S.Ahmetov: «Qazaqstan temir jolynyń» enshiles kompanııalaryn básekelestik ortaǵa berý qajet

ASTANA. 21 qańtar. QazAqparat - «Qazaqstan temir jolynyń» enshiles kompanııalaryn básekelestik ortaǵa berý qajet. Bul týraly búgin «Qazaqstan temir joly» UK» AQ-nyń alqa májilisinde QR Úkimet basshysy Serik Ahmetov aıtty.

Búginde el Úkimetinde aýqymdy jekeshelendirý jáne kóptegen aktıvterdi, onyń ishinde ulttyq kompanııalardy memleket ıeliginen alý boıynsha baǵdarlamalar daıyndalyp jatqandyǵyn basa aıtqan QR Premer-Mınıstri: «Ótken jyly biz «QazMunaıGaz» kompanııasynyń qurylymyn tyńǵylyqty qarastyrdyq jáne búginde bizde baıypty aýtsorsıng ári kóptegen enshiles kompanııalardy básekelestik ortaǵa berý boıynsha usynystar bar», - dedi.

Osy oraıda S.Ahmetov kompanııa basshysy A.Mamınge dál osyndaı sharalardy «Qazaqstan temir jolynda» da júrgizý qajettigin eskertti.