S.Ábdenov G-Global kommýnıkatıvti alańynda eńbek mınıstrleriniń onlaın konferentsııasyn ótkizýdi usyndy

ASTANA. 22 mamyr. QazAqparat - QR Eńbek jáne halyqty áleýmettik qorǵaý mınıstri Serik Ábdenov G-Global kommýnıkatıvti alańynda eńbek mınıstrleriniń onlaın konferentsııasyn ótkizýdi usyndy. Ol atalǵan usynysty búgin 6-shy Astana ekonomıkalyq forýmy aıasynda ótken «Jahandyq jumyssyzdyq: sheshimderdiń keshendi joldary» atty sessııada jasady.

«Osy sátti paıdalana otyryp G-Global-daǵy kelesi kezdesýdi «Áleýmettik áriptestik. Ónimdi eńbekti qamtamasyz etý jáne laıyqty eńbekti keńeıtý boıynsha jaýapkershilikti bólý» taqyrybyndaǵy halyqaralyq konferentsııa túrinde ótkizýdi usynamyn», - dedi ol.

Mınıstr bul maqsattarǵa jetý úshin bir aıdyń ishinde G-Global kommýnıkatıvti alańynda eńbek mınıstrleriniń onlaın konferentsııasyn ótkizýge usynys jasady.

«Bul eńbek resýrstaryn tıimdi paıdalaný jáne eńbekke laıyqty ahýal qalyptastyrý úshin jaǵdaımen qamtamasyz etýmen baılanysty kóptegen problemalardy sheshýge ári jaýap tabýǵa múmkindik beredi», - dedi S.Ábdenov.