Rýslan Jaqsylyqov: Qazaqstan áskeri UQShU aıasynda Reseı men Ýkraına shekarasyna barmaıdy

ASTANA. QazAqparat - Qazaqstannyń Qorǵanys mınıstri Rýslan Jaqsylyqov Qazaqstannyń Qarýly kúshteri Ujymdyq qaýipsizdik týraly shart uıymyna múshe elderdiń aýmaǵyna barmaıtynyn aıtty, dep habarlaıdy QazAqparat tilshisi.

Búgin Májiliste tilshiler mınıstrge áleýmettik jelilerde tarap jatqan qaýesetke qatysty suraq qoıǵan bolatyn.

«Qazaqstan sarbazdaryn UQShU aıasynda Ýkraına men Reseı shekarasyna jiberilýi múmkin degen aqparat tarap jatyr. Bul qanshalyqty shyndyqqa janasady?», - dep surady jýrnalıster.

«Qorǵanys mınıstri retinde Qazaqstan Respýblıkasynyń Qarýly kúshteri elimizdiń aýmaǵynda turǵanynan tolyq senimmen jarııalaımyn. Biz bitimgershilik mıssııalaryn tek Birikken Ulttar Uıymy baǵytynda ǵana iske asyramyz. Ujymdyq qaýipsizdik týraly shart uıymy elderi aýmaǵyna ásker jibermeımiz jáne mundaı jospar joq. Biz eshqaıda barmaımyz», - dedi Rýslan Jaqsylyqov.