Rýslan Qasybaev BQO TJ departamentiniń bastyǵy mindetin atqarady

<p>ORAL. KAZINFORM &ndash;&nbsp; QR Tótenshe jaǵdaılar mınıstriniń buıryǵymen Batys Qazaqstan oblysy tótenshe jaǵdaılar departamenti bastyǵynyń mindetin ýaqytsha atqarýshy bolyp&nbsp; polkovnık Rýslan Ámirzadauly Qasybaev taǵaıyndaldy.</p>

BQO TJ departamentiniń baspasóz qyzmetinen málim etkenindeı, QR Tótenshe jaǵdaılar jónindegi vıtse-mınıstri Erlan Nurpeıisov departamenttiń jańadan taǵaıyndalǵan bastyǵyn jeke quramǵa tanystyrdy.

Rýslan Qasybaev Almaty qalasynda dúnıege kelgen.

2006 jyly QR TJM Kókshetaý tehnıkalyq ınstıtýtyn aıaqtaǵan. Azamattyq qorǵaý organdaryndaǵy eńbek jolyn 1999 jyly Almaty qalasynda №3 órt sóndirý bóliminiń órt sóndirýshisi qyzmetinen bastady.

Ár jyldary aǵa órt sóndirýshi, órt sóndirý bóliminiń ınspektory, aǵa ınjener, bas maman, órt sóndirý bólimi bastyǵynyń orynbasary, órt sóndirý qyzmetiniń bastyǵy, tótenshe jaǵdaılar bóliminiń bastyǵy qyzmetterin atqarǵan. Almaty qalasy TJ departamentiniń bastyǵy laýazymynda bolǵan.