Rýslan Dálenov jergilikti bıýdjetterdiń tabysy qalaı artatynyn aıtty
Atap aıqanda, bul qadamdar jalpy otyrysta eki oqylymda qaralyp, qabyldanǵan «Qazaqstan Respýblıkasynyń keıbir zańnamalyq aktilerine QR ákimshilik-aýmaqtyq qurylysy, memlekettik basqarý júıesin, bıýdjetaralyq qatynastardy jetildirý, kredıtteý jáne bilim berý máseleleri boıynsha ózgerister men tolyqtyrýlar engizý týraly» Zańynda qamtylyp otyr.
Zań jobasy Jer, Bıýdjet, Qylmystyq-protsestik, Azamattyq protsestik kodeksterine, «Salyq jáne bıýdjetke tólenetin basqa da mindetti tólemder týraly» kodekske jáne 25 zańǵa túzetýler engizýdi kózdeıdi.
«Zań jobasynda keıbir kúsh qurylymdaryn qaıta uıymdastyrý bóliginde ózgerister engizý josparlanǵan. Osylaısha, Qazaqstan Respýblıkasy Memlekettik kúzet qyzmetiniń qaıta uıymdastyrylýyna, sondaı-aq Qazaqstan Respýblıkasy Ulttyq qaýipsizdik komıtetine Qazaqstan Respýblıkasy «Syrbar» Syrtqy barlaý qyzmetiniń qosylýyna baılanysty zańnamalyq aktilerge ózgerister engizý kózdelip otyr», - dedi R. Dálenov.
Onyń sózine qaraǵanda, 2020 jyldan bastap jergilikti bıýdjetterge shaǵyn jáne orta bıznesten túsetin korporatıvtik tabys salyǵyn berý usynylýda.
«Respýblıkalyq bıýdjetke iri kásipkerlik sýbektilerinen ǵana korporatıvtik tabys salyǵynyń túsimderi túsetin bolady.
Jergilikti bıýdjetterge korporatıvtik tabys salyǵyn berý óńirler ekonomıkasynyń, shaǵyn jáne orta bıznestiń damýyn yntalandyratyn bolady jáne jergilikti bıýdjetterdiń tabystaryn ulǵaıtady», - dep naqtylady vedomstvo basshysy.
Sonymen qatar, Jalpyulttyq is-sharalar josparynyń 73-tarmaǵy aıasynda respýblıkalyq mańyzy bar qalalar men elordanyń, onyń ishinde qala qurylysy saıasaty, kólik ınfraqurylymy, sáýlettik kelbetti qalyptastyrý salalarynda quzyretterdi keńeıtý kózdelip otyr. Bul túzetýler respýblıkalyq mańyzy bar qalalar men elordany damytýdyń ózekti máselelerin sheshýge múmkindik beredi.
«Budan bólek, «Qazaqstan Respýblıkasynyń memlekettik qyzmeti týraly» zańǵa ózgeris engizý kózdelip otyr, oǵan sáıkes jastar kadrlyq rezervine alynǵan azamattar memlekettik ákimshilik laýazymdarǵa konkýrstan tys tártibinde ornalasa alady», - dedi R. Dálenov.
Aıta keteıik, qujat aıasynda bilim berý mekemelerin basqarý jáne bıýdjetin ákimshilendirý fýnktsııalary aýdandyq deńgeıden oblystyq deńgeıge beriletin bolady.
«Joǵaryda aıtylǵan túzetýler zańnamanyń keıbir normalaryn sáıkestendirýge, bıýdjetaralyq qatynastar men memlekettik basqarý júıesin jetildirýge baǵyttalǵan», - dedi Ulttyq ekonomıka mınıstr.