Rýslan Dálenov ortalyq jáne jergilikti atqarýshy organdardyń nazaryn birqatar aspektige aýdardy
«Іskerlik belsendilikti qalpyna keltirý boıynsha qabyldanyp jatqan sharalardy eskere otyryp, ortalyq jáne jergilikti atqarýshy organdar kelesi aspektilerge nazar aýdarýy qajet. Investıtsııalyq jobalar boıynsha nysanaly kórsetkishke qol jetkizýdi qamtamasyz etý, «Nurly jer», «Nurly jol», «Indýstrııalandyrý» jáne «Jumyspen qamtý jol kartasy» memlekettik baǵdarlamalary aıasynda jobalardy belsendi iske asyrý kerek», - dedi mınıstr.
Onyń aıtýynsha, sonymen qatar bıznesti qoldaýdyń memlekettik baǵdarlamalary aıasynda nesıelendirý úshin shaǵyn jáne orta bıznes jobalaryn jedel irikteý ári qarastyrý, sanıtarlyq normalar men betperde rejımin saqtaı otyryp, bıznes qyzmetin qamtamasyz etý qajet.
«Áleýmettik mańyzy bar taýarlardyń barlyq túrlerine baǵa monıtorıngin júrgizý jáne baǵanyń ósýin boldyrmaý boıynsha tıisti sharalar qabyldaý, ekonomıkany qoldaýǵa baǵyttalǵan bıýdjet qarajatyn tıimdi ıgerý kerek», - dedi Rýslan Dálenov.