Rýslan Dálenov: Internet-saýda - aýyl úshin keremet múmkindik

NUR-SULTAN. QazAqparat - Qazaqstanda tamaq ónimderiniń elektrondyq saýda kólemi 15,4 mlrd teńgeni quraıdy. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Álemde elektrondyq saýdanyń aıryqsha qarqyndy baǵyttarynyń biri tamaq ónimderin jáne aýyl sharýashylyǵy taýarlaryn satý bolyp tabylady. 2023 jylǵa qaraı atalǵan segment 2018 jylmen salystyrǵanda, 64 paıyzǵa ósip, onyń kólemi 134,5 mlrd AQSh dollaryna jetedi. Qazaqstanda tamaq ónimderiniń elektrondyq saýda kólemi 15,4 mlrd teńgeni quraıdy jáne jalpy taýarlardyń elektrondyq saýdasynyń 4 paıyzyn alady», - dedi ol.

Mınıstrdiń aıtýynsha, elektrondyq saýdada aýmaqtyq shekaralar joq.

«Sondyqtan, bizdiń otandyq aýyl sharýashylyǵynyń óndirýshileri úshin bul jańa naryqqa shyǵýǵa, óziniń satyp alýshysyn izdeýge sheksiz múmkindik beredi. Internet-saýda - bul aýyldyq jerlerde saýdany damytý úshin tamasha múmkindik», - R.Dálenov.