Rýslan Dálenov aldaǵy 3 jyldaǵy JІÓ boljamyn jarııalady

NUR-SULTAN. QazAqparat - 2023 jyly Qazaqstan jylyna 100,8 mln tonna munaı óndirýdi josparlap otyr. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Qazaqstan-2050» Strategııasynyń uzaq merzimdi maqsattaryn eskere otyryp, áleýmettik-ekonomıkalyq saıasattyń negizgi basymdyqtary kelesideı bolady: yntalandyrýshy makroekonomıkalyq saıasat jáne qarjy naryǵynyń damýy; salalarynyń básekege qabilettiligi jáne ekonomıkanyń ózin-ózi qamtamasyz etýi; ınvestıtsııalyq jáne bıznes ahýaldy odan ári jaqsartý; sapaly adamı kapıtal; teńgerimdi óńirlik damý; tıimdi memlekettik sektor; belsendi saýda saıasaty jáne eksportty ilgeriletý«, - dedi mınıstr.

Onyń aıtýynsha, 2021-2023 jyldarǵa arnalǵan úshjyldyq bıýdjetti qalyptastyrý kezinde kelesi boljamdy parametrler qoldanyldy. Birinshiden, jalpy ishki ónimniń 2021 jyly 2,8, 2022 jyly 3,7 jáne 2023 jyly 4,6 paıyzǵa naqty ósedi. Ekinshiden, 2021-2022 jyldary ınflıatsııa 4-6, 2023 jyly 4-5 paıyzdy quraıdy.

»Úshinshiden, munaı óndirý kóleminiń 2021 jyly 86 mln tonna, 2022 jyly 89,6 mln tonna jáne 2023 jyly 100,8 mln tonna deńgeıinde bolady. Konservatıvti tásildi eskere otyryp, 2021-2023 jyldary munaı baǵasynyń bir barreline 35 dollar deńgeıinde alyndy«, - dedi ol.

Mınıstrdiń atap ótýinshe, atalǵan makroekonomıkalyq kórsetkishter negizinde bıýdjet parametrleriniń boljamy qalyptasty.

»Respýblıkalyq bıýdjettiń kiristeri transfertterdi esepke almaǵanda 2021 jyly 6 926 mlrd teńgeni, 2022 jyly – 8 566 mlrd teńgeni, 2023 jyly – 9 217 mlrd teńgeni quraıdy«, - dedi Rýslan Dálenov.