Rýmynııada 150-den astam muǵalim ereýilge shyqty

ASTANA. QazAqparat – Rýmynııada muǵalimder úsh kúnnen beri ereýildetip jatyr. Pedagogter jalaqyny kóterýdi talap etýde. Qazirgi tańda rýmynııalyq muǵalimniń jalaqysy shamamen 480 evro. Bul eldegi ortasha jalaqydan eki ese kem, dep habarlaıdy QazAqparat Euronews agenttigine silteme jasap.

Kóshege 150-den astam adam shyqty. Olardyń 70-i pedagogtardyń kómekshisi, taǵy birqatary sabaq ótkizbeıtin mektep jumyskerleri.

Jergilikti kásipodaqtar jumysty endi bastaǵan muǵalimniń jalaqysynyń kólemi keminde eldegi ortasha jalaqynyń deńgeıinde bolý qajettigin talap etip otyr. Bul jaǵdaı pedagog mamandardyń jumysy memleket úshin mańyzdy ekendiginiń kórsetkishi bolmaq. Olar sondaı-aq aılyq jalaqynyń jyl saıyn ınflıatsııaǵa baılanysty ındeksatsııalanyp otyrǵanyn qalaıdy.

Qazir rýmynııalyq muǵalim shamamen 480 evro alady. Bul eldegi ortasha jalaqydan eki eses tómen.