Rýmynııa televıdenıesinde QR Prezıdenti týraly derekti fılm kórsetildi - QR SІM
13:15, 30 Qarasha 2014
ASTANA. QazAqparat - Qazaqstan Respýblıkasynyń Tuńǵysh Prezıdenti kúni qarsańynda Rýmynııanyń ulttyq televıdenıesinde memleket basshysy Nursultan Nazarbaev týraly «Túrik áleminiń lıderi» derekti fılmi kórsetildi, dep habarlady Rýmynııadaǵy QR Elshiliginiń baspasóz qyzmetinen.
Eýropalyq arnada kórsetilgen tarıhı-hronıkalyq fılmde Qazaqstannyń damýyndaǵy N.Nazarbaevtyń aıryqsha róli aıtylǵan. Derekti fılmde kóptegen memleket basshylary Qazaqstan Prezıdentiniń bedeli joǵary tulǵa ekenin aıtqan. Sonymen qatar, Elbasynyń qyzmetine joǵary baǵa bergen.
Rýmynııadaǵy Qazaqstan elshiliginiń muryndyq bolýymen rýmynııalyq aýdıtorııaǵa kórsetilgen Memleket basshysy týraly fılm Qazaqstanǵa jáne Prezıdentimizge degen qoǵamdastyqtyń qyzyǵýshylyǵyn arttyrý, el bedelin nyǵaıtýǵa baǵyttalǵan.
Fılm táýlik boıy habar taratatyn «National 24 Plus» arnasynda kórsetildi.