Rýmynııa parlamentshileri QR Prezıdentiniń Ult josparyn joǵary baǵalady

ASTANA. QazAqparat - 24 qarashada Býharest qalasynda QR Elshiligi Rýmynııanyń Parlamenti men Halyqaralyq qatynastar jáne ekonomıkalyq yntymaqtastyq ınstıtýtymen birge uıymdastyrǵan «Álemdik mańyzy bar qujat: Prezıdent Nursultan Nazarbaevtyń bes reformalary jáne 100 qadamy» konferentsııasy ótti. Іs-sharaǵa Rýmynııanyń Parlamenti depýtattary, akademııalyq, ǵylymı jáne qoǵamdyq toptar ókilderi qatysty, dep habarlaıdy QR SІM baspasóz qyzmeti.

Qazaqstannyń Elshisi Dáýlet Batyrashev konferentsııa qatysýshylaryn Qazaqstannyń qazirgi kezdegi syndarǵa jaýaby bolyp tabylatyn jáne elimizdiń barlyq salalardaǵy damýdyń jańa satyǵa shyǵarýdy kózdeıtin bes ınstıtýtsıonaldy reformalardyń basty qaǵıdalarymen tanystyrdy.

Іs-shara qatysýshylary Qazaqstan ótkizetin reformalarǵa joǵary baǵa berip, olardyń ýaqyttylyǵy men ózektiligin aıtyp ótti. Atap aıtqanda, Parlament Senatynyń Ekonomıka jáne ónerkásip komıtetiniń tóraǵasy Nazare Eýdjen Tsapý óziniń sálemdeme sózinde Qazaqstannyń strategııalyq kóregendigi, onyń ındýstrııa men ınnovatsııalar salasyndaǵy iske asyrylatyn baǵdarlamalary, jańa tehnologııalardy tartýy jáne óziniń kóliktik-tranzıttik áleýetin damytýy úlken áser qaldyrýda. Onyń pikirinshe, osyndaı ekonomıkalyq saıasat qazirgi zamandaǵy memlekettiń ornyqty damýdyń kepili bolyp tabylady. Qazaqstan ekonomıkasynyń keıingi jańǵyrtýy men ótkiziletin reformalary, nátıjesinde Rýmynııamen yntymaqtastyqtyń ulǵaıýyna men taýar aınalymynyń ósýine septigin tıgizetindigine senim bildirdi.

Senat Tóraǵasynyń orynbasary Ioan Chelarý Qazaqstan ótkizetin reformalarynyń batyldyǵy men Qazaqstan basshylyǵynyń kóregendigin atap ótti. Elimizdiń qazirgi kezdegi damýy men QR ultaralyq kelisimniń biregeıli modelin joǵary baǵalap, elimizde turyp jatqan rýmyn dıasporasynyń mádenı ereksheligi men tilin saqtaýǵa baılanysty Qazaqstan basshylyǵyna alǵysyn bildirdi.

Parlament Depýtattar Palatasynyń vıtse-spıkeri Florın Iordake Rýmynııa men Qazaqstan arasyndaǵy dostyq qarym-qatynastardyń damýyn aıryqsha atap ótip, eki eldiń parlamentaralyq yntymaqtastyǵynyń belsendirý qajettigin qoldady. Sondaı-aq, rýmyndyq saıasatker ózinshe modeli bolatyn qazaqstandyq reformalardy Rýmynııanyń akademııalyq qaýymdastyǵymen qarastyrylýy qajet dep paıymdady.

Іs-shara barysynda qazaqstandyq dıplomat qatysýshylarǵa Qazaqstannyń halyqaralyq bastamalary, sonyń ishinde BUU Bas Assambleıasynyń 70-sessııasynda jarııalanǵan bastamalary týraly aıtyp, Astana qalasynda ótetin «EKSPO-2017» halyqaralyq mamandandyrylǵan kórmesine qatysýǵa jáne kelýge shaqyrdy.