Rýmynııa Qazaqstan ónimderiniń eksportyn arttyrý úshin óz porttaryn ashýǵa daıyn

ASTANA. QazAqparat – Rýmynııa Parlamentiniń depýtaty Borıs Volosatyı Eýropa ekonomıkasyn damytý turǵysynda Qazaqstanmen yntymaqtastyqty damytý maqsaty qoıylǵanyn aıtty, dep habarlaıdy QazAqparat tilshisi.

«Rýmynııa úshin Qazaqstan tabysty seriktes retinde qarastyrylyp otyr. Bizdiń Qara teńizdegi porttarymyz Qazaqstan úshin Eýropa naryǵyna shyǵatyn alań bola alady. Sonymen qatar, Qazaqstan naryǵy Rýmynııa men Eýropa ekonomıkasynyń damytý turǵysynda tartymdy bolyp tur», - dedi Borıs Volosatyı elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.

B. Volosatyı Qazaqstandaǵy Parlament depýtattaryn saılaý kezeńine halyqaralyq baıqaýshy retinde keldi.

Onyń aıtýynsha, búginde Qazaqstan demokratııalyq baǵytta mańyzdy qadam jasap, ońtaıly reformalardy iske asyryp jatyr.

«Saılaýǵa daıyndyq tyńǵylyqty júrgizilgeni baıqaldy. Saılaý ýchaskelerinde jumys istep jatqan adamdar kúrdeli suraqtarǵa jaýap bere alatyn, saılaý zańnamasyn biletin mamandar ekenine kózim jetti», - dedi halyqaralyq baıqaýshy.