Rýmynııa baıqaýshylary: Qazaqstanda prezıdenttik saılaý ashyq ótti

NUR-SULTAN. QazAqparat - Syrtqy ister mınıstri Beıbit Atamqulov Qazaqstanǵa prezıdent saılaýyn baıqaýshylar retinde kelgen Rýmynııa Parlamentiniń depýtattary Valerı-Andreı Sterıý jáne Krıstıan-George Shefermen kezdesti, dep habarlaıdy QazAqparat QR SІM baspasóz qyzmetine silteme jasap.

Birneshe saılaý ýchaskesinde bolǵannan soń, rýmyndyq depýtattar saılaýdy uıymdastyrýdyń joǵary deńgeıi, ashyq ótkeni, sondaı-aq saılaýshylardyń patrıottyq sezimi men belsendiligi qatty tań qaldyrǵandyǵyn atap ótti. Rýmyndyq baıqaýshylar toby alty Parlament múshesi jáne Syrtqy ister mınıstrligi men úkimettik emes uıymdardyń eki ókilinen turady.

«Bul saılaý sizdiń elińiz úshin mańyzdy tarıhı sát, sonymen qatar saılaý asa joǵary deńgeıde uıymdastyryldy», - dedi V. Sterıý.

Depýtattar Qasym-Jomart Toqaevty saılaýdaǵy jeńisimen quttyqtap, Rýmynııa men halyqaralyq qoǵam Qazaqstannan kóp nársege úırenýge bolady dep atap ótti.

«Bizde de jaqyn arada prezıdenttik saılaý ótedi, sondyqtan bul máselede bizge sizderden kóp nárseni úırený qajet», - dep qosty depýtattar.

V.Sterıý rýmyndyq depýtattardy baıqaýshy retinde shaqyrǵany úshin rızashylyǵyn bildirip, Qazaqstan men Rýmynııa Parlamenteri arasyndaǵy ózara is-qımyldarynyń belsendiligin atap ótti.

Sonymen qatar rýmyndyq tarap eki el arasyndaǵy ekonomıkalyq baılanystardy keńeıtý nıeti týraly málimdep, onyń ishinde áskerı-tehnıkalyq saladaǵy yntymaqtastyqty pysyqtaý múmkinshiligi.

Syrtqy saıası vedomstvosynyń basshysy saýda-ekonomıkalyq yntymaqtastyqty, onyń ishinde aýyl sharýashylyǵy, energetıka jáne týrızm salasyndaǵy baılanystardy nyǵaıtý týraly basa aıtty. Taraptar osy saladaǵy naqty jobalardy talqylaý jóninde ýaǵdalasty. Rýmyndyq «Rompetrol» munaı kompanııasyna ınvestıtsııa quıý arqyly Qazaqstan osy eldiń mańyzdy áriptesi bolyp otyr. 2018 jyldyń qorytyndysy boıynsha saýda aınalymy 1,7 mlrd AQSh dollaryn qurady, sonymen qatar Qazaqstanda rýmyndyq kapıtalmen 44 kompanııa jumys isteıdi.

2019 jyldyń birinshi jartylyǵynda ótken Rýmynııanyń Eýropalyq odaqqa tóraǵalyǵy, osy kezeńde Eýroodaqtyń Ortalyq Azııa boıynsha jańa strategııasyn qabyldaý barysynda eýropalyq baǵyttaǵy QR basymdyqtarynyń jyljytylýyna yqpal etýine bólek kóńil bólindi.

Qazaqstandaǵy rýmyndyq dıaspora, onyń eki halyq dostyǵyn nyǵaıtý mańyzdylyǵy kezdesýdiń basty taqyryptarynyń biri boldy. Qazaqstanda shamamen 20 myńy qazaqstandyq rýmyndar, olar Qazaqstan men Rýmynııa arasyndaǵy dostyq kópirin jalǵastyrýshy. Sondaı-aq, SІM basshysy rýmyndyq joǵary oqý oryndarynda oqyp jatqan qazaqstandyq stýdentterdiń sanyn ósirýge shaqyrdy.

Kezdesýdiń sońynda QR Syrtqy ister mınıstri Rýmynııa depýtattaryna prezıdenttik saılaýǵa baıqaýshy retinde qatysqandary úshin rızashylyǵyn bildirdi.