Rýmyn jurtshylyǵy qazaqstandyq kınematograftyń sheberligin joǵary baǵalady
17:23, 17 Naýryz 2021
NUR-SULTAN. QazAqparat - Rýmynııada Qazaqstan Táýelsizdiginiń 30 jyldyǵyna arnalǵan is-sharalar jalǵasýda.
Alǵash ret vırtýaldy rejımde ótip jatqan Býharesttegi qazaqstandyq kıno kınofestıvali aıasynda rejısser Aqan Sataevtyń «Tomırıs» atty massaget patshaıymynyń ómiri týraly baıandaıtyn kórkem fılminiń kórsetilimi ótti, dep habarlaıdy QazAqparat QR Syrtqy ister mınıstrliginiń resmı saıtyna silteme jasap.
Kınofestıvaldiń jańa formaty Rýmynııadaǵy kóptegen kórermenderge tikeleı efırge qosylýǵa jáne rýmyn tilinde sýbtıtri bar tarıhı fılmdi kórýge múmkindik berdi. Bul rette kınofestıvaldiń alǵashqy fılmi rýmyn jurtshylyǵynyń oń pikirlerine ıe bolǵan.
2021 jyldyń 17-18 naýryzynda rýmyn kórermenderine qazaqstandyq rejısserler Erlan Nurmuhambetovtyń «Jańǵaq tal» jáne Rashıd Súleımenovtyń «Qarashańyraq» fılmderi usynylady.