Rýmynııadaǵy prezıdenttik saılaýdyń birinshi kezeńi: kandıdattar qorytyndyny joıýdy talap etti

<p>ASTANA. KAZINFORM &ndash; Eldiń Konstıtýtsııalyq sotynyń barlyq toǵyz sýdıasy daýystardy sanaý qorytyndylaryna qatysty shaǵymdy biraýyzdan qabyldaǵan joq. Rýmynııa saılaý komıssııasy júrgizgen tekserý eshqandaı zań buzýshylyqty anyqtaǵan joq, dep málimdedi Konstıtýtsııalyq sot tóraǵasy Marıan Enahe. Bul týraly <a href="https://t.me/dwglavnoe/46741" target="_blank" rel="noopener">DW </a>aqparat agenttigi habarlaıdy.</p>

Eske sala ketsek, saılaýdyń birinshi týrynyń qorytyndysy boıynsha saılaý komıssııasy buǵan deıin ultshyl «Rýmyndar birligi úshin alıanstyń» múshesi bolǵan Kalın Georgeský úshin saılaýshylardyń 22,94 paıyzy daýys bergenin habarlady. Ekinshi orynda «Rýmynııany qutqarý odaǵy» lıberaldyq partııasynan Elena Laskonı (19,17%) tur. Úshinshi oryn (19,15%) qazirgi premer-mınıstr, sotsıal-demokrat Marsel Cholakýǵa buıyrdy. 

Osydan keıin prezıdenttikke eki úmitker daýys berý qorytyndylaryn joıýdy talap etti.

Sebastıan Popeský Georgeskýdy óziniń saılaýaldy naýqanyn qarjylandyrý kózderin jasyrdy jáne sol arqyly saılaýshylardy adastyrdy dep aıyptady. 

Saılaý naýqanynda sóılegen sózinde Georgeský EO men NATO «Rýmynııanyń múddelerine saı kelmeıdi» dep málimdedi. Ońshyl saıasatker aýtsaıder bolyp sanaldy jáne ol naýqanyn tek derlik TikTok-ta júrgizdi.

Eske sala ketsek, Rýmynııada 24 qarashada prezıdenttik aılaýdyń birinshi týry ótti.

Jeksenbi, jeltoqsannyń 1-i kúni Rýmynııada ótken parlamenttik saılaýda saılaý ýchaskeleri jabylǵannan keıin, eldiń bıleýshi Sotsıal-demokratııalyq partııasy (PSD) jarııalanym kezinde eń kóp daýys jınap otyr.