Rýmynııada prezıdent saılaýynyń ótkizilmeýine qarsy narazylyq aktsııasy ótti

<p>ASTANA.KAZINFORM&nbsp; - Býharesttegi sherýshiler prezıdent saılaýynyń ótkizilmeýine narazylyq bildirip, qazirgi memleket basshysy Klaýs Iohannıstiń otstavkaǵa ketýin talap etti, dep jazady <a href="https://www.dw.com/ru/rumyny-snova-protestuut-protiv-otmeny-itogov-vyborov-prezidenta/a-71280042" target="_blank" rel="noopener">DW.</a></p>

On myńǵa jýyq adam 2024 jyldyń qarashasynda ótken prezıdent saılaýynyń birinshi týry qorytyndysynyń kúshin joıýǵa narazylyq bildirdi.

Iohannıstiń ókilettigi resmı túrde 21 jeltoqsanda aıaqtaldy, biraq ol murageri atalmaıynsha qyzmetinde qalady.

Buǵan deıin 6 jeltoqsanda ulttyq qaýipsizdik qyzmeti daýys berý ásire ońshyl kandıdat Kalın Jorjeský paıdasyna burmalanǵan bolýy múmkin dep eskertken soń, Rýmynııanyń Joǵarǵy Konstıtýtsııalyq soty eldegi prezıdent saılaýynyń qorytyndysyn joqqa shyǵarǵan.

Sodan keıin jergilikti barlaý organdary áleýmettik jelilerdegi birneshe myń bot akkaýnty kandıdattyń paıdasyna úgit júrgizgen bolýy múmkin degen qujattardy jarııalady.

Rýmynııada prezıdent saılaýy ótip jatqanyn jazǵan bolatynbyz.

Sonymen qatar Eýropalyq komıssııa TikTok-qa qarsy tergeý júrgizip jatyr. Buǵan Reseıdi osy ınternet-platforma arqyly «Rýmynııadaǵy saılaýǵa áser etti» dep aıyptaý sebep boldy.

Rýmynııadaǵy prezıdenttik saılaýdyń birinshi kezeńi boıynsha kandıdattar qorytyndyny joıýdy talap etti.