«Rólde otyryp uıyqtap ketken»: Abaı oblysynda júrgizýshi júk kóligine soǵylyp, jyraǵa qulady

<p>Abaı oblysynda kólik tizgindep kele jatyp uıyqtap ketken er adam jol apatyna sebepker boldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Oblystyq Polıtsııa departamenti baspasóz qyzmetiniń málimetine súıensek, jol-kólik oqıǵasy 9 qańtarda respýblıkalyq mańyzy bar «Omby-Maıqapshaǵaı» tasjolynyń 659 shaqyrymynda bolǵan.

«Kólik tizgindep kele jatyp uıyqtap ketken «Lada Granta» kóliginiń júrgizýshisi júk kóligimen soqtyǵysty. Jol apatynan keıin jeńil kólik jyraǵa qulaǵan. Abyroı bolǵanda, eshkim zardap shekken joq», - delingen aqparatta.

30 jastaǵy er adamǵa qatysty ákimshilik hattama toltyryldy.

Eske salsaq, osyǵan deıin «Óskemen-Semeı» tasjolynda jol apatynan 2 adam kóz jumǵany habarlanǵan.