Ruqsatsyz jumys istegen dárihanalar 2,7 mln teńge aıyppul tóleıdi
15:38, 17 Shilde 2020
NUR-SULTAN. QazAqparat - Ruqsatsyz jumys istegen dárihanalarǵa 2,7 mln teńge aıyppul salynady. Bul týraly QR Sybaılas jemqorlyqqa qarsy is-qımyl agenttigi parasat departamentiniń dırektory Ǵanıjan Asanuly aıtty, dep habarlaıdy QazAqparat tilshisi.
«Kelesi anyqtalǵan buzýshylyq - dárihanalardyń ruqsatsyz jumys isteýi. Mundaı jaǵdaılar Nur-Sultan qalasynda, Túrkistan jáne Mańǵystaý oblystarynda anyqtaldy. Nátıjesinde Túrkistan oblysyndaǵy dárihana jabyldy. Al qalǵan faktiler boıynsha materıaldar taýarlar men qyzmetterdiń sapasy men qaýipsizdigin baqylaý komıtetiniń departamentterine joldandy», - dedi ol agenttiktiń baspasóz qyzmeti alańynda ótken brıfıng barysynda.
Onyń atap ótýinshe, joǵaryda kórsetilgen kemshilikter úshin Ákimshilik quqyq buzý kodeksinde 2,7 mln teńgege deıin aıyppul salý qarastyrylǵan.
«Eger zańbuzýshylyq qaıta oryn alsa, farmatsevtıkalyq qyzmetke arnalǵan arnaıy ruqsattyń qoldanysy 6 aıǵa deıin toqtatylady», - dedi Ǵanıjan Asanuly.