«Rýhanı jańǵyrý»: Jetisý jeri kórkem tabıǵatyn álemge tanytty
Oblystyq ishki saıasat basqarmasy álemge áıgili VVS telekompanııasymen birlesip Jetisý jeriniń kórkem tabıǵatyn tarıhymen baılanystyryp beınerolık túsirdi. Vıdeony jer sharynyń 571 mıllıonnan astam kórermeni tamashalady .
«Bul beınerolıkti «MIR TV» telearnasy rotatsııalaǵandyǵy, ony 150 mıllıon kórermen kórgendigi belgili boldy. Qazirgi ýaqytta «Jetisý» beınerolıgi TMD elderin keńinen qamtýda», - dedi Almaty oblysy boıynsha «Rýhanı Jańǵyrý» jobalyq keńsesi JShS-nyń dırektory Dana Dúısenova.
Jetisýdyń sulý tabıǵatyn, ulttyq saıabaǵyn, murajaılary men tarıhı jerlerin týrısterge tereńirek nasıhattaý maqsatynda «Jetisý-360» jobasy da qolǵa alyndy. Kez-kelgen adam arnaıy mobıldi qosymsha jáne saıt arqyly Almaty oblysyna vırtýaldy túrde saıahat jasaı alady. Jalpy «Rýhanı jańǵyrý» baǵdarlamasy bastaý alǵan 2 jyl ishinde Almaty oblysynda 642 joba naqty júzege asqan. Onyń ishinde 319 joba 2017 jyly oryndalsa, 2018 jyly 323 joba jemisin beripti. Osyndaı jobalardy júzege asyryp jatqan Almaty oblysynyń bıylǵy jylǵa da jospary aýqymdy.
«Jetisý Jibek jolynyń bastaýy» atty jastar ekspedıtsııasy, «Jahandaǵy Zamanaýı Qazaqstandyq mádenıetti ilgeriletý» taqyrybynda I halyqaralyq ǵylymı-tájirıbelik konferentsııasy, «Tamyry tereń álipbı» antologııalyq jınaǵyn shyǵarý; «Orbulaq shaıqasynyń tarıhı qoıylymy» jobasy, «Kóshpendiler tarıhı qolóneri» festıvali, ıÝNESKO-nyń Dúnıejúzilik murasyna jatatyn oblys nysandaryna ekspedıtsııa, «Jetisý - injý-marjan» atty dástúrli ánder men kúılerdiń antalogııasy jınaǵyn shyǵarý, «Sport fest» Olımpıadalyq sport túrlerinen festıval jáne taǵy da basqa jobalar. Bekitilgen jobalar men is-sharalar josparyna sáıkes 2019 jyldyń І toqsanynda oblys boıynsha 20 myńnan astam adamnyń qatysýymen 19 joba men 257 is-sharalar uıymdastyryldy. 2019 jyldyń sáýir aıynan bastap Almaty oblysynyń tilderdi damytý jónindegi basqarmasynyń bastamasymen «Jańa álipbıde jazyp úıreneıik» onlaın-sabaq jobasy bastaldy. 20 mınýttyq onlaın-sabaqqa 100-den asa tyńdaýshy qatysqany belgili boldy. Aldaǵy ýaqytta vebınardy aptasyna 3-5 ret ótkizý josparlanyp otyr», - dedi Dana Dúısenova.
Sonymen qatar mamannyń aıtýynsha, 2-4 mamyr kúnderi qazaq-qyrǵyz baýyrlastyǵyn, mádenıet pen ádebıet, ǵylym jáne ózge de salalar boıynsha baılanys ornatyp, tájirıbe almasý maqsatynda «Uly dalanyń máńgilik mırasy - Manas» taqyrybynda qyrǵyz-qazaq zııalylarynyń III forýmy uıymdastyrylady. Sharaǵa shamamen 500-ge jýyq shetel qonaqtary men zııaly qaýym ókilderi qatysady dep kútilýde.