«Rýhanı jańǵyrý»: Qazaqstandyq professorlar elordada tegin dárister oqıdy
«Qazaqstandyq professorlar men qoǵam qaıratkerleri «Januıa» otbasy ınstıtýtyn qoldaý ortalyǵynda tegin lektsııalar ótkizedi. Negizgi taqyryp retinde «Rýhanı jańǵyrý» baǵdarlamasynyń baǵyttary tańdap alyndy. Tegin dárister ár aptanyń dúısenbi, seısenbi kúnderi, saǵat 9:00-de «Januıa» otbasy ınstıtýtyn qoldaý ortalyǵynda ótedi. Lektsııalar tarıh, dástúr, dintaný, jahandaný taqyryptaryna negizdelip, sonymen qatar azamattardyń ózin-ózi úzdiksiz damytýy men jeke tulǵalyq qasıetterin damytýǵa baǵyttalǵan», - delingen qala ákimdiginiń aqparatynda.
Shara elordalyq Qoǵamdyq damý isteri basqarmasynyń bastamasymen Tuńǵysh Prezıdent-Elbasy N.Á.Nazarbaevtyń «Bolashaqqa baǵdar: rýhanı jańǵyrý» maqalasynyń aıasynda ótýde.
Uıymdastyrýshylardyń aıtýynsha, semınarlar kezinde halyqtyń barlyq tobyn «Rýhanı jańǵyrý» baǵdarlamasyn júzege asyrýǵa qatystyrý úshin ǵylymı-ádistemelik jáne konsýltatıvtik qoldaý kórsetiledi. «Aqparattyq-túsindirme jumysymen halyqtyń barlyq tobyn, onyń ishinde memlekettik qyzmetkerler, bilim, sport, mádnıet, jastar salasy men ÚEU qamtý kózdelip otyr. Kýrs sońynda qatysýshylarǵa sertıfıkattar tabystalady», - dedi vedomstvodan.