«RÝHANI JAŃǴYRÝ»: baıqaý jeńimpazdarynyń shyǵarmashylyq jumystary

ASTANA. QazAqparat - «QazAqparat» Halyqaralyq aqparat agenttigi oqyrmandar nazaryna Elbasynyń «Rýhanı jańǵyrý» baǵdarlamasyn qoldaý ári ony halyq arasynda keńinen nasıhattaý maqsatynda uıymdastyrylǵan dızaınerlik sheshimder baıqaýy jeńimpazdarynyń shyǵarmashylyq jumystaryn usynady.    

Konkýrsqa jumystardy qabyldaý 1 qarashadan bastalyp 15 jeltoqsanǵa deıin jalǵasty.

Usynylǵan jumystar «Rýhanı jańǵyrý» Memlekettik baǵdarlamasynyń: «Básekelik qabilet», «Pragmatızm», «Ulttyq biregeılikti saqtaý», «Bilimniń saltanat qurýy», «Qazaqstannyń revolıýtsııalyq emes, evolıýtsııalyq damýy», «Sananyń ashyqtyǵy» baǵyttaryna sáıkes qabyldandy.

Árbir qatysýshy nemese ujym atalǵan 6 baǵyttyń árqaısysyna tek 1 ǵana jumysyn usynýǵa múmkindik aldy.

Barlyǵy 130-dan astam jumys kelip túsken.

Baıqaýdyń 2 000 000 teńgelik bas júldesin Pavlodar qalasynan kelgen Denıs Romanov jeńip aldy.

     

Birinshi oryn alǵan shyǵarmashylyq jumystyń avtory - Astana turǵyny Mádına Muqanova, oǵan 1 500 000 teńge berildi.

      

Ekinshi orynǵa ıe bolǵan Pavlodardyń taǵy bir ókili Rýstam Sarımovke 1 000 000 teńge tabystaldy.

      

Aqshalaı syılyǵy 500 000 teńgeni quraıtyn úshinshi oryn Astana turǵyny Sáýle Jıenqulovaǵa berildi.

      

Qyzyqty jumystardyń avtorlaryna da kóptegen arnaıy júldeler berildi.

Úzdik týyndylar dekoratsııalar, kostıýmder jáne baspa ónimderin jasaýǵa paıdalanylady.

Dızaınerler baıqaýyn ótkizý «Rýhanı jańǵyrý» qundylyqtaryn keń jurtshylyq arasynda nasıhattaýǵa, shyǵarmashylyq jáne óner adamdaryn qoldaýǵa, ulttyq biregeılikti saqtaı otyryp qazirgi mádenıetti damytýǵa baǵyttaldy.