Rýhanı jańǵyrý bastamalarynyń zańdy jalǵasy - Muhtar Qul-Muhammed Elbasy Joldaýy jaıly

ASTANA. QazAqparat - Demokratııalyq kúshterdiń «Qazaqstan-2050» jalpyulttyq koalıtsııasynyń kezekti otyrysy Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýyna arnaldy, dep habarlaıdy QazAqparat tilshisi.

Jıynǵa eldegi jetekshi partııalardyń basshylary, Parlament depýtattary, Qazaqstan halqy Assambleıasy jáne birqatar qoǵamdyq uıymdardyń ókilderi qatysty. 

Otyrysty ashqan «Nur Otan» partııasy Tóraǵasynyń Birinshi orynbasary Muhtar Qul-Muhammed Memleket basshysynyń jyl saıynǵy Joldaýyn el  ómirindegi basty oqıǵalardyń biri dep atap ótti.

«Búkilhalyqtyq talqylaýǵa usynylyp otyrǵan Elbasynyń bıylǵy Joldaýyn osyǵan deıingi memlekettik, saıası, áleýmettik, ekonomıkalyq jáne rýhanı jańǵyrtýǵa baǵyttalǵan asa úlken bastamalardyń zańdy jalǵasy dep esepteımin. Jáne bul jolǵy Joldaý árbir qazaqstandyqqa, onyń ómirine, onyń densaýlyǵyna, ál-aýqatyna degen Elbasynyń naqty qamqorlyǵyn aıqyn kórsetip otyrǵan qujat. Sondyqtan sizder men bizderdiń endigi maqsatymyz osy Joldaýdyń árbir bastamasyn, mazmunyn barsha qazaqstandyqtarǵa jetkizý dep esepteımin», - dedi M. Qul-Muhammed Beıbitshilik jáne kelisim saraıynda ótken Demokratııalyq kúshterdiń «Qazaqstan-2050» jalpyulttyq koalıtsııasynyń otyrysynda.

Aıta keteıik, Demokratııalyq kúshterdiń «Qazaqstan-2050» jalpyulttyq koalıtsııasy «Nur Otan» partııasynyń bastamasymen quryldy. Ol 5 saıası partııanyń, 17 iri qoǵamdyq birlestiktiń jáne 500-den astam úkimettik emes uıymdardyń basyn biriktiredi.